Amodau
Ni welwyd unrhyw eira na rhew ar y llwybr yn ystod arsylwadau heddiw, er bod posibilrwydd o rywfaint o amdoau rhewllyd dros nos yn y dyddiau i ddod (gweler Gwybodaeth Ychwanegol isod).

Prynhawn heulog, ond yn teimlo yn oer iawn yn y gwynt dwyreiniol cryf.

Offer hanfodol
Offer cerdded addas tymhorol, yn cynnwys goleuadau (fel lamp pen neu ddwy bob un).

Bydd cario pigau bach i’r traed yn cynnig dewisiadau mwy diogel ar y mynydd os bydd amodau rhewllyd yn datblygu (gweler Gwybodaeth Ychwanegol isod).

Gwybodaeth Ychwanegol
Ar ddydd Mawrth yr adroddiad mae'r rhagolygon yn awgrymu bydd y tymheredd ar y copa ychydig o dan y rhewbwynt ar adegau, ond sawl gradd uwchben y rhewbwynt ar adegau eraill. Bydd tueddiad iddi fod yn oer iawn dros nos, ac yn llawer cynhesach yn ystod y dydd, gyda tueddiad cyffredinol iddi gynhesu at ddiwedd yr wythnos. Mae darogan i'r tymheredd ar y copa fod cyn ised â -2ºC (gan deimlo fel ei bod cyn ised  â -11ºC ar adegau).

Gyda darogan am wythnos sych mae unrhyw eira yn ymddangos yn annhebygol iawn o’r rhagolygon ar ddydd yr adroddiad. Er hyn gall fod yn ddigon oer i amodau rhewllyd ddatblygu dros nos, yn enwedig nos Fawrth ac i mewn i fore dydd Mercher. Mae amodau rhewllyd yn ymddangos yn llai tebygol yn hwyrach yn yr wythnos, ond tymheredd oer a barrug yn bosib o dan awyr glir mewn mannau cysgodol.

Gyda gwyntoedd dwyreiniol cryf a chyfnodau clir, er bod posib iddi deimlo yn gynnes iawn allan o'r gwynt yn llygad yr haul, gall hefyd deimlo yn oer iawn yn y gwynt ar adegau llai heulog.