Amodau
Haen denau o eira yn cychwyn ar tua 750m, gyda rhew sylweddol ar draws y llwybr mewn nifer o fannau.
Mae yn debygol o barhau yn rhewllyd iawn, gyda posibilrwydd o fwy o eira (gweler Gwybodaeth Ychwanegol isod).
Ar ddydd yr adroddiad y prif anhawster oedd ardaloedd o rew ar draws y llwybrau. Roedd yr ardaloedd hyn yn bresennol ar bob uchder ar y mynydd, gyda hyn yn achosi fwyaf o drafferthion ar lwybr y PyG/Mwynwyr mewn nifer o fannau rhwng tua 750m a 1000m, llwybr Llanberis ogwmpas yr hen stablau tua 980m, yn ogystal â nifer o fannau ogwmpas Allt Moses ar lwybr Llanberis, rhwng Pen y Pass a Bwlch y Moch ar lwybr y PyG a nifer o fannau eraill.
Roedd hefyd eira cywasgedig llithrig ar y llwybr o dan Bwlch Glas a rhwng Bwlch Glas a'r copa ar lwybrau Llanberis, Cwellyn, Mwynwyr a PyG.
Diwrnod oer a heulog, gyda gwyntoedd ysgafn.
Offer hanfodol
Dillad cerdded addas tymhorol, yn cynnwys goleuadau.
Bydd cario gogls eira (fel gogls sgïo) yn rhoi modd i warchod y llygaid rhag gwyntoedd oer ac eira yn lluwchio, gan ei gwneud yn rhwyddach i weld er mwyn teithio yn fwy diogel ar y mynydd.
Bydd cario caib rew a rhyw fath o bigau i'r traed yn rhoi dewisiadau i gadw'n ddiogel ar y mynydd lle mae yr eira a rhew yn gorwedd.
Gwybodaeth Ychwanegol
Ar ddydd Gwener yr adroddiad mae'r rhagolygon yn awgrymu y bydd y tymheredd ar y copa yn parhau o dan y rhewbwynt trwy gydol y cyfnod hyd nes yr adroddiad nesaf ddydd Mawrth, gyda tymheredd cyn ised â -6˚C (gan deimlo cyn ised â -13˚C yn y gwynt) yn cael ei ragweld ar y copa ar hyn o bryd. Mae'n debygol o fod yn oer iawn a rhewllyd ar bob uchder ar draws y mynydd, a hefyd yn bosibl y bydd mwy o eira yn datblygu. Gyda cawodydd o eira a gwynt yn cael eu rhagweld, a gydag eira yn gorwedd ar y mynydd mae cyfnodau o welededd gwael iawn yn bosib, gan ei gwneud yn anodd neu'n amhosibl gweld y llwybrau wrth i eira ddisgyn a chael ei symud gan y gwynt. Ar ddydd yr adroddiad mae'r cyfnodau yma o welededd gwael iawn yn edrych fwyaf tebygol dydd Sadwrn a phrynhawn dydd Llun.